სავლე წერეთლის ფილოსოფიის ინსტიტუტმა გამოსცა კრებული „ნეოპლატონიზმი: მოძღვრება და მისი რეცეფცია”. კრებულის ედიტორია თამარ ცოფურაშვილი.
მასში ძირითადად თავმოყრილია ის მოხსენებები, რომლებიც იოანე პეტრიწის საფილოსოფიო საზოგადოების – საქართველოში დაარსებული პირველი სამეცნიერო საფილოსოფიო საზოგადოების – 100 წლისთავს მიეძღვნა. ეს საზოგადოება ატარებდა პეტრიწის სახელს, ამიტომ თემატიკაც დაკავშირებულია ნეოპლატონიზმის მოძღვრებასა და მის რეცეფციასთან.
კრებული ეძღვნება გურამ თევზაძის ხსოვნას.
კრებული აერთიანებს შემდეგ სტატიებს:
- მალხაზ მაცაბერიძე, „პეტრიწის სახელობის საფილოსოფიო საზოგადოების დაფუძნება (1918 წლის 26 მაისი)”;
- ანა ქირია, „თვითერთის პროკლესეული კონცეფცია”;
- თამარ ხუბულავა, „ღვთიური ნათება ჩვენში პროკლეს პლატონური თეოლოგიის მიხედვით”;
- მაკა ლაშხია, „პეტრიწისეული ‘ტრფიალების’ განმარტებისათვის”;
- ლელა ალექსიძე, „განგება, ბედისწერა, ჩვენ: ნეოპლატონური პარადიგმები პეტრიწსა და პლეთონთან”;
- გიგა ზედანია, „მისტიკური თეოლოგია”;
- თამარ ცოფურაშვილი, „არსობრივი მიზეზის თეორია და მისგან გამომდინარე ონტოლოგიური მოდელები: ანალოგიისა და უნივოკაციის მოძღვრებები”;
- ლუკა კუჭუხიძე, „ფანტაზმები და გრძნობადი შემეცნება თომა აქვინელის გნოსეოლოგიაში, SUMMA THEOLOGICAE-ს მიხედვით”;
- ლაშა მათიაშვილი, „ხმის დეკონსტრუქციული და არქეოლოგიური პარადიგმები”.
შეძენა შესაძლებელია წიგნის სახლში „ლიგამუსში“.
პუბლიკაცია ვრცლად იხილეთ ბმულზე: https://bit.ly/3GH4yEz
2021 წელი